揀科

DSE剛開考,中六學生正在戰鬥中。取得DSE成績後,就要make a final choice on大學主修科目。這個選擇,隨時影響未來多年的事業發展路向,可能是十幾歲人最重要的一個決擇。

揀科和揀職業,是個興趣和能力的fine balance。有興趣但没有能力,一是未必入到所選的學科,二是入得到都讀不好,讀得到亦做不好。相反,有能力但冇興趣,讀得到,做得到,但不會做得長。

人人的talent不一樣,我會建議不要太過勉強去over stretch。應該找一個環境,令自己的專長不單只meet minimum requirement,更可exceed expectation。

用選美做個列子。假設我有八分姿色,我去一般公司工作,已是全公司最靚的美女,大把男同事爭着獻恩勤,為工作帶來不少便利。但如果我去選美,所有參選佳麗最少都有九分姿色,我的八分姿色馬上被比下去,我的樣貌由advantage變成disadvantage。

當然,參加選美不一定個個都想赢,有人覺得有嘢學,有人覺得好好玩,有人唔試過唔甘心,有人夢想有奇蹟。讀書和做事一樣,如果同學們不怕失敗,不怕因長期鬥爭但得不到成果而可能令自己失去自信,大可以試試aim higher。

最近在中學聽了個介紹廣告行業的講座。講者講到advertising好好玩,個個性格比較活潑的同學都突然話想加入廣告界。自問我都有幾分creativity,曾經考慮過做創意行業。我可以用盡我的creativity做一個平平庸庸的creative director,或者做一個creative好出人意表的legal director。我可以講,後者的路,容易行得多。

Share

No related posts.

Comments are closed.