我愛你

iPhone Siri廣東話版真係好好玩,仲可以俾老公測試自己的發音有幾準確。老公只係識講幾句中文,尋晚佢同Siri的對話笑死我。

老公:我愛你

Siri:我都好愛你ga

老公:我愛你

Siri:油腔滑調

老公:我愛你

Siri:你了解我咩?你知我係邊個咩?你知我唸咩嘢咩?

Siri的反應完全係一個女仔在一個relationship的summary。第一次聽見男朋友話鐘意自己,心都甜晒,連忙表白講聲都好愛對方。拍咗拖一段時間,男朋友次次都係激嬲人後講聲我愛你氹番人笑,雖然明知他只是油腔滑調氹自己,但都收貨啦。再過一段時間,感情變淡,執問男友是否變心,他一臉無奈地話依然愛你,你發現他已經不知道你想要甚麼了。

去過好幾個婚禮,新人都話平時一直都不肯講我愛你,要趁在婚禮上在所有人面前講。有新娘甚至專登寫在誓詞上,迫老公同自己講我愛你。我愛你這句話很重很deep,好像比I love you更難講出口。

你上一次講我愛你是幾時呢?

Share

Related posts:

  1. Hot Love 去年去杜拜旅行時,買了一盒名為Hot Love的fruit tea給朋友,希望旺一旺她。過了成9個月,她終於第一次試飲。不飲由自可,一飲就靈驗喎!她飲完杯Hot Love後去見客,個客冧她,告訴她自從來了香港後他都是一個人吃飯,暗示他是一顆寂寞的心,之後還email說她就像異國中遇到的天使!哇,係骨痺肉麻到噴茶,但今時今日到了這個年紀都仲有男人對自己講這樣的說話,就算個男人唔啱洗,都笑餐飽啦!況且有人追下,或者可以帶旺桃花呢!瘦田耕開或者真的有人爭呢! 我成日都覺得,被追求的女仔會特別注意自己的儀容,所以果排會特別靚。靚咗,咪會吸引更多人追囉!所以每一次有friend同我講她們有人追,我都會大力鼓勵她們同那些potential交往下,出下街先。有些男人的內在美可能要多一點時間才散發出來,如果一開始就斷定對別人没有興趣,連互相認識下都懶得,可能會走寶吖嘛! 不過我發現好像我仲緊張過我的朋友,不止一個朋友都同我講,不想同冇feel的人交往,因為不知點解,會對那些對自己有興趣的人反感,見到佢就已經好不耐煩,令自己脾氣暴躁。緣份未到,冇計啦! 說回Hot Love tea,我的朋友回贈了幾包給我試,真的有效喎!飲完之後,我攬着至愛的猩猩,在想到底我一生中遇上猩猩還是老公是更大的miracle?我有很多隻公仔,但連續愛他25年的,就只有猩猩一個,真是奇蹟。但再想想,要找到我愛的,而他又愛我,就更near impossible!都是找到老公,更加神奇!一定是杯Hot Love,我感覺到生命充滿着愛!! 原來Pacific Place的Great都有賣同一個牌子的茶,不過正如中國人的賀年祝福語,一味只顧着恭喜發財,love is never mentioned。Great只賣同牌子的Destress tea,切合香港人減壓的需求。Hot Love真的難求啊!都不一定,其實可以在日本樂天網站order http://en.item.rakuten.com/shilla/h-00101/。各位想在情人節旺下桃花的,或買來氹下honey的,考慮下啦!...

Comments are closed.